Hvað er hreinni framleiðslutækni?
Hugmyndin að hreinni framleiðslutækni kom upphaflega frá Umhverfisstofnun Bandaríkjanna árið 1986 og gengur út á að lágmarka eða koma í veg fyrir mengun og myndun úrgangs strax á myndunarstað.
Hægt er að nota þessa aðferðarfræði við hvaða gerð matvælavinnslu sem er og þau íslensku fyrirtæki sem þegar hafa tileinkað sér þessa hugmyndafræði hafa náð umtalsverðum árangri hvert á sínu sviði. Þannig náðist t.d. 40% sparnaður í notkun á ferskvatni í frystihúsi; hægt var að lækka kostnað við upphitun í frystihúsi um 2,2 mkr. á ári með því að nýta glatvarma frá fiskimjölsverksmiðju; og greining á notkun hreinsiefna við þrif á frystihúsi lækkaði kostnað um 24%. Að lokum má geta þess að tvö íslensk fyrirtæki sem tileinkað hafa sér aðferðir hreinni framleiðslutækni fengu opinber umhverfisverðlaun fyrir vinnu sína.
Árið 1997 gaf Rf út pistilinn Hreinni framleiðslutækni eftir þær Helgu Eyjólfsdóttur og Evu Yngavadóttur. Pistillinn var hluti af ritröð sem Rf gaf út á árunum 1997 - 1999 undir heitinu Rf Pistlar
