Hitastig

Til eru 5 mismunandi mælikvarðar fyrir hitastig en aðeins þrír eru notaðir. Algengastur í okkar heimshluta er Celsíus-skalinn, í Bandaríkjum N-Ameríku er algengast að nota Farenheit-skalann en Kelvin-skalinn er almennt notaður í vísindum.

Allir þessir skalar eru nefndir eftir mönnum sem skilgreindu þá í upphafi. Gabriel Daniel Fahrenheit, þýskur vísindamaður, var fyrstur til þess að hanna kvikasilfurhitamæli, en hann merkti á mælinn 32° þegar vatn fraus og við suðu setti hann 212°. Þennan hitamæli kynnti hann 1714.

Anders Celsius, sænskur stjörnufræðingur bjó til hitamæli þar sem hann setti 0° þegar vatn sauð og 100° þegar það fraus, en eftir andlát hans árið 1744 var þessu snúið við þannig að í dag er 0°C það hitastig sem vatn frýs við og 100°C þegar það sýður.

Um 1800 gerði breskur vísindamaður William Thomson, Lord Kelvin, merka uppgötvun varðandi hita. Vísindamenn hafa komist að því að fræðilega sé ekki hægt að komast neðar í hita en -273,15°C, við þetta hitastig er talað um alkul. Á Kelvin-skalanum er það 0 þannig að 0°C eru 273 á Kelvin.

Eftirfarandi formúlur eru notaðar til að breyta Celsíus í Farenheit og öfugt:

°C = 5/9 (°F - 32)

°F = 1,8°C +32

Með því að smella á hér þá er hægt að fá upp glugga sem auðvelt er að nota til að breyta Celsíus í Farenheit og öfugt. En til þess að myndin virki þá þarf að hafa Macromedia Flash Player uppsettan á tölvunni.

Til baka, Senda grein, Prenta greinina